«jo bayden» tegli maqolalar
“AQShda demokratiyaga tahdid soluvchi oligarxiya shakllanmoqda”. Bayden millatga xayrlashuv murojaati bilan chiqdi
AQSh prezidenti Jo Bayden xayrlashuv nutqida mamlakatda Amerika demokratiyasiga tahdid solayotgan oligarxiya shakllanayotganini ma’lum qildi. U, shuningdek, “hech bir prezident” lavozimda sodir etilgan jinoyatlarda javobgarlikdan soqit bo‘lmasligi uchun AQSh konstitutsiyasini o‘zgartirishga chaqirdi.
“AQSh global raqobatda g‘alaba qozonmoqda”. Bayden o‘z tashqi siyosatining yakunlarini sarhisob qildi
So‘nggi to‘rt yil ichida AQSh va uning ittifoqchilari kuchliroq bo‘ldi, mamlakat raqiblari esa zaiflashdi, dedi prezident Jo Bayden o‘z ma’muriyatining tashqi siyosatini sarhisob qilar ekan. “Ayni paytda Qo‘shma Shtatlar global raqobatda g‘olib kelmoqda”, — dedi u.
Bayden Ukrainaga 2,5 mlrd dollarlik yangi harbiy yordam paketini e’lon qildi
AQSh prezidenti Jo Bayden “qishga kirib borayotgan” Ukrainaga 2,5 mlrd dollarlik yangi harbiy yordam paketini e’lon qildi. Ushbu yordam havo hujumidan mudofaa tizimlari, artilleriya snaryadlari va “boshqa o‘ta muhim qurol-yarog‘lar”ni o‘z ichiga oladi.
Jo Bayden o‘g‘li Hanterni afv etdi
AQSh prezidenti Jo Bayden o‘g‘li Hanter Baydenni “sodir etgan yoki sodir etgan bo‘lishi mumkin” bo‘lgan jinoyatlari uchun afv etdi. U soliq to‘lashdan bo‘yin tovlash, qalbaki soliq deklaratsiyasini taqdim etish, noqonuniy qurol saqlash kabi jinoyatlarda ayblangan.
“Xush kelibsiz”. Bayden Oq uyda Tramp bilan uchrashdi
AQShning amaldagi prezidenti Jo Bayden Oq uydagi Oval kabinetda saylangan prezident Donald Tramp bilan uchrashdi. Bayden, avval ham aytilganidek, hokimiyatni topshirish silliq kechishiga ishontirdi.
“Vatan faqat g‘alabaga erishilgandagina sevilmaydi” — Bayden Trampning g‘alabasi haqida
AQSh prezidenti Jo Bayden prezidentlik saylovlaridan keyin xalqqa murojaatida hokimiyat Donald Trampga “tinch va tartibli” o‘tishini ta’minlashini aytdi. “Biz mamlakat tanlovini qabul qilamiz”, — dedi u.
“Amerika, men sen uchun hammasini qildim”. Bayden demokratlar oldida xayrlashuv nutqini aytdi va estafetani Harrisga uzatdi
AQSh prezidenti Jo Bayden Demokratik partiya qurultoyida prezidentlik faoliyatini sarhisob qilib, xayrlashuv nutqini irod etdi. U yana “demokratiyani saqlab qolish” uchun Donald Trampni mag‘lub etishga chaqirdi va Kamala Harrisni qo‘llab-quvvatlab, tajribali va nihoyatda halol deb atadi.
“Eng muhimi — Trampni yengish”. Bayden — prezidentlik poygasidan chiqish qarori haqida
Jo Bayden CBS telekanaliga bergan intervyusida Donald Trampning g‘alaba qozonishiga yo‘l qo‘ymaslik va demokratiyani saqlab qolish uchun bo‘lajak saylovlardan voz kechgani haqida gapirdi. “Prezidentlik katta sharaf bo‘lsa ham, eng muhimi — biz Trampni mag‘lub etishimiz kerak, kerak, kerak”, — dedi u.
Bayden sobiq prezidentlar daxlsizligini bekor qilishni taklif qilmoqda
AQSh prezidenti Jo Bayden mamlakatning sobiq rahbarlarini jinoiy javobgarlikka immunitetini va Oliy sud sudyalarining vakolat muddatini cheklaydigan islohotlarni taklif qildi. “Hech kim qonundan ustun emas. AQSh prezidenti ham. AQSh Oliy sudi sudyasi ham. Hech kim”, — dedi Bayden.
“Demokratiya har qanday unvondan muhimroq”. Bayden saylovdan nega voz kechganini izohladi
Jo Bayden Amerika xalqiga murojaatida uning shaxsiy ambitsiyalari demokratiya yo‘liga to‘sqinlik qilmasligi kerakligini aytdi. “Men bu lavozimni qadrlayman. Ammo vatanimni ko‘proq sevaman”, — dedi u saylovdan chiqish qarorini izohlab. Bayden “estafetani yangi avlodga topshirish” zarurligini aytdi.
Jo Bayden AQSh prezidentlik saylovlaridan chiqishga qaror qildi
AQSh prezidenti Jo Bayden noyabr oyidagi saylovlarda mamlakat prezidentligi uchun kurashdan chiqishini ma’lum qildi. So‘nggi haftalarda u nomzodini qaytarib olishga chaqirgan partiyadoshlari tomonidan bosim ostida qolgandi. U Kamala Harrisni nomzod sifatida ko‘rsatishni taklif qildi.
Jo Bayden yana koronavirusga chalindi
AQSh prezidenti Jo Bayden uchinchi marta COVID-19 bilan kasallandi. Kasallik yengil kechmoqda va u o‘zini izolyatsiyalagan holda ishlaydi, deya ta’kidladi Oq uy.
“Mamlakatimizda siyosiy ritorika qizg‘inlashdi”. Bayden Trampga qilingan suiqasddan keyin xalqqa murojaat qildi
AQSh prezidenti Jo Bayden Donald Trampga suiqasd uyushtirilganidan keyin xalqqa qilgan murojaatida Amerika siyosatidagi “shiddatni pasaytirish” va zo‘ravonlikning odatiy holga aylanishining oldini olishga chaqirdi. Trampning o‘zi suiqasdni “juda syurreal tajriba” deb atadi. Suiqasdning maqsadi noma’lum.
“Oxirigacha”. Bayden prezidentlik poygasidan chiqishdan bosh tortdi
AQSh prezidenti Jo Bayden Donald Tramp bilan muvaffaqiyatsiz debatdan so‘ng saylovda o‘z nomzodini qaytarib olmasligini aytdi. “Hech kim meni tashqariga itarib yubormayapti. Men bu poygada oxirigacha qatnashaman”, — dedi u.
Jo Bayden saylovoldi poygasidan chiqsa, uning o‘rnini Kamala Harris egallashi mumkin — Reuters
Jo Baydenning Donald Tramp bilan debatdagi muvaffaqiyatsiz chiqishi Demokratik partiya ichida vahima va uning nomzodini almashtirish haqidagi gap-so‘zlarga sabab bo‘ldi. AQSh vitse-prezidenti Kamala Harris eng yaxshi alternativ hisoblanyapti, deb yozdi Reuters.
“Fojia”. Bayden va Trampning birinchi debati qanday o‘tdi?
AQShda Jo Bayden va Donald Tramp o‘rtasidagi ilk saylovoldi debati bo‘lib o‘tdi. Nomzodlar iqtisod, Ukrainadagi urushni muhokama qilishdi va bir-birlarini “eng yomon prezidentlar” deb atashdi. Tomoshabinlar respublikachini tanlashini bildirdi, Baydenning “tushunarsiz” nutqi demokratlar orasida vahima uyg‘otdi.
“Chorshanba kunlari bo‘sh ekansan”. Bayden Trampni teledebatga chaqirdi va uning sudlardan bo‘shamayotganiga sha’ma qildi
AQSh prezidenti Jo Bayden bo‘lajak saylovlardagi raqibi Donald Trampni teledebatga chaqirdi va uning sudlardan bo‘shamayotganiga, faqat chorshanba kunlari vaqti bo‘lishiga sha’ma qildi. Tramp debat bo‘yicha chorlovni qabul qildi. Bayden jamoasi debatlar oldindan ovoz berish boshlanishidan avval o‘tishini istamoqda.
Bayden va Tramp prezidentlikka nomzodini qo‘yish uchun yetarli bo‘lgan ovozlarni to‘pladi
Jo Bayden va Donald Tramp Demokratlar va Respublikachilar partiyasidan prezidentlikka nomzod sifatida rasman ko‘rsatilishi uchun yetarlicha ovoz oldi. Bu AQSh prezidentlik saylovlarida qariyb 70 yil ichidagi birinchi revansh uchrashuvi bo‘ladi.
Bayden Yuliya Navalnaya bilan uchrashdi. AQSh Putinga qarshi sanksiya kiritmoqchi
AQSh prezidenti Jo Bayden muxolifatchi Aleksey Navalniyning rafiqasi, hozirda uning faoliyatini davom ettirayotgan Yuliya Navalnaya bilan uchrashdi. Shundan so‘ng Qo‘shma Shtatlar yetakchisi AQSh Navalniyning o‘limi tufayli Putinga qarshi sanksiyalar joriy qilishini ta’kidladi.
Bayden: Tramp — Amerika demokratiyasi uchun tahdid
AQSh prezidenti Jo Bayden saylovoldi tashviqotidagi OAV tomonidan keskin deya ta’riflangan nutqida ehtimoliy raqibi Donald Trampni Amerika demokratiyasiga tahdid deb atadi. Tramp bunga javoban Baydenning nutqini “ta’sirli, qo‘rquv uyg‘otuvchi targ‘ibot tadbiri” deya baholadi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting